Tammuriata palazzola

I
E me faie stu pizzo a riso,
e me faie su pizzo a riso
bello ’e faccia
brutto ’e core
ca te pienze ’e repassà.
Ma ’o cafone r’a campagna
se ’mbriaca ’int’ ’a vennegna,
sta risata
nun arregna
io te saccio anduvinà.

Va vatté!
Va vatté!
Sparagnete a’ sagliuta!
Sparagnete ’a sagliuta!
Fatte ’o cunto ’a for’ ’e me!

II
Passe e spasse e nun te truove,
passe e spasse e nun te truove …
Che me ’mporta?
Tiene ’e chiuove?
Justo a me me vuò ’nchiuvà? …
Ma so zengara strafina,
songo ’a sora r’ ’a mbriana,
’nfaccia ’o nniro
r’ ’a tiana
io te pozzo janchià!

Va vatté!
Va vatté!
Sparagnete a’ sagliuta!
Sparagnete ’a sagliuta!
Fatte ’o cunto ’a for’ ’e me!

III
E me fai chist’ uocchie ’e treglia… .
E me fai chist’ uocchie ’e treglia… .
Nun bai niente!
Miette ’a meglia,
tengo l’asso e tengo o Rre!
Cacciatore? E mo’ verimmo
si t’abbusche sta meraglia!
Si sì bbuono
a sparà ’a quaglia,
o si ’a quaglia spara a tte!

Va vatté!
Va vatté!
Sparagnete a’ sagliuta!
Sparagnete ’a sagliuta!
Fatte ’o cunto ’a for’ ’e me!

Condividi:

Altri articoli