I
Cchiù vverde d’e ffronne
stasera so’ ll’ onne
so’ ll’onne d’ ’o mare;
me ’ncanto e me pare
c’ ’a varca se sperde
pe’ mmiezo a ’stu vverde!
E j’ voco e vucanno, me scordo …
me scordo d’ ’o munno, Marì!
Nonna nonna
’ncopp ’a ll’onna,
comme’ è bello int’ ’a varca a durmì!
Doce è ’o suonno
ca me sonno,
ah, putesse, sunnanno, murì!
II
Sunate, campane,
vicine e luntane,
ca ’o mare risponne.
Risponneno ll’ onne
c’ ’a sanno ’sta voce
ca è triste, ma è ddoce.
P’ ’a terra e p’ ’o mare è ’na pace,
chest’ora me fa ntenerì!
Nonna nonna
’ncopp’ a ll’onna,
comme’ è bello int’ ’a varca a durmì!
Doce è ’o suonno
ca me sonno,
ah, putesse, sunnanno murì!
III
Marì, tutt’ ’e ggioie
d’ ’a vita so’ ’e toie,
ma ’o mare è d’ ’o mio!
Ccà regno sul’ io,
pecché ’o marenare
e ’o rre miez’ ’o mare…
Cu’ st’evera bella c’addora
me faccio ’a curona, Marì!
Nonna nonna
’ncopp’ a ll’onna,
comme’ è bello int’ ’a varca a durmì!
Doce è ’o suonno
ca me sonno,
ah, putesse, sunnanno murì!
