Pusilleco addiruso

’Ncopp’ ’capo ’e Pusilleco addiruso,
addò stu core se n’è gghiuto ’e casa,
ce sta nu pergulato d’uva rosa
e nu barcone cu’ ’e mellune appise …
’Ncopp’ ’capo ’e Pusilleco addiruso …

E nu canario canta na canzone
’a dint’a na caiola appesa fore …
e ll’ellera s’attacca a stu barcone
comme ce s’è attaccato chistu core!

Quann’ ’o sole d’ ’o monte se n’è sciso,
chest’aria fresca se fa cchiù addirosa …
E torna d’ ’a fatica Angelarosa
c’ ’o fascio d’erba areto ’e spalle appiso …
Quann’ ’o sole p’ ’o monte se n’è sciso!…

Condividi:

Altri articoli