I
Scetateve, guagluine ’e malavita,
ca è ’ntussecosa assaie ’sta serenata:
i’ songo ’o ’nammurato e’ Margarita,
che è ’a femmena cchiù bella d’ ’a Nfrascata!

L’aggio purtato ’o capo cuncertino,
p’ ’o sfizio ’e me fa’ sentere ’e cantà …
M’aggio bevuto ’nu bicchiere ’e vino
pecché stanotte a voglio ’ntussecà …
Scetateve, guagliune ’e malavita!

II
È accuparuta ’a luna all’intrasatto
pe’ lle dà ’o sfizio ’e me vedé distrutto:
pe’ chello che sta femmena m’ha fatto,
vurria c’a luna se vestesse ’e lutto …

Quanno se ne venette a’ parta mia,
ero ’o cchiù guappo ’e vascio ’a Sanità …
Mò c’aggio perzo tutta ’a guapparia
cacciatemmenne ’a dint’ ’a suggità …
Scetateve, guagliune ’e malavita!

III
Sunate, giuvinò, vuttate ’e mmane,
nun v’abbelite, ca sto bbuone ’e voce:
i’ me fido ’e cantà fino a dimane,
i’ metto ’ncroce a chi m’ha miso ’ncroce …

Pecché nun va cchiù a tiempo ’o mandulino?
Pecché ’a chitarra nun se fa sentì?
Ma comme! Chiagne tutto ’o cuncertino
addó che avesse chiagnere sul’i!
Scetateve, guagliune ’e malavita!